ابكي من الضيقة و أبعزف للهموم ألحان
اطلق مواويل الحزن واطرح دواويني
أبي
أشكي أبي احكي أبوصف للبشر حرمان
أبيهم كلهم يدرون أبيهم يشعروا فيني
أبي
لامن طرى اسمة بكى من لوعتي شيبان
لامن طرى"عاشق" ذكر من كان يغليني.
أبي
يذكرون أني بدمعي صرت غرقان
يعرفون الهم هوّ إلي يخاويني
أبي
أصرخ وأبلغهم وأقول أن الفرح خوّان
يجي مرة معاي و هو بطول العمر ناسيني
أبي
اترك لهم قصة وأخبرهم على العنوان
يسمّوا "حزن "يحطوا "دمع"أنا ما عاد يعنيني
أبي
لامن وصل صوتي يحس بضيقتي إنسان
لامن نزف جرحي لقيت اللي يداويني
أبي
شخص يجي يمي و يقفل للعنا بيبان
يكون لي خلٍ على حزني يواسيني
أبي
لمركبي مرسى وأبيه لغربتي أوطان
لا من ذرفت الدمع ليته لي يعزّيني
أبي
أنا ماأبيه يصبح ضلع أبيه يكون لي ضلعان
لا من مشيت وطحت حط يديه في يديني
أبي
إلامن خانني التعبير أبيه يكون لي لسان
لامن سكتْ ألقاه .يفهم من نظر عيني
أبي
لا من تعبت وضقت لمّ الروح بالأحضان
يكون لي كتاب إذا ضاعت عناويني
أبي
أعشق وأبي أغرم وببني للهوى بنيان ..
أبيه يكون مبنى ضخم ويسكن فيه مغليني
أبي
أبي واحد ويسكن بي وابطردلأجله السكّان
أبي يسكن وسط قلبي وعمره ما يخليني
أبي
أبي أشعل شموع الحب وبأعطيه من الغلا بستان
أبي أهديه باقة ورد ..اسقيها من شراييني
وسلامتكم
مع تحياااتي
