في السوق وامي ياعرب هاوشتني

في السوق وامي ياعرب هاوشتني .....!!؟؟


والله هذا اللي حصل قبل شهرين
في السوق وامي ياعرب هاوشتني

واجهت وحده حابكة رسمة العين
ورموشها من غير ذنب اطعنتني

البنطلون اسود وفيها من الزين
شي تعدى العقل لين اسبهتني

غير العبايه كتف والخالق يعين
ومخصره لا والله اللي انكبتني

صديت عنها وكانوا الناس لاهين
وابليس راودني وهي راودتني

وامي تفرج في الملابس على هوين
ماهي بيمي وفي المحل خابرتني


مشخص وكاشخ وانا ماني بشين
اعجبتها وهي والله اللي اعجبتني

هي اقربت مني وانا ارحب اهلين
ومن دون ما اشعر ياعرب صافحتني

وأصل المحل فخم ومقسوم دورين
ويم الدرج رجلين حظي خذتني

إلا امي تناديني ياورع رايح وين
وفكيتها وهي اطلعت وتركتني

قالت وانا امك انت ورع إلا الحين
وبشنطه معها زعلت ولمختني

وعمري تعدى فوق الثلاث وعشرين
ولازلت ورع في عين منهي أولدتني

وضحكت واتعوذت من هالشياطين
ومن نفسي اللي للردى طاوعتني

واستاهل اللمخه وكف وبقسين
وحسبي على اللي راحت وورطتني



راقت للمغروره *&*&

وجووووووووووووووووووودك الارووع
يسلمو عمتي